day,
00
month
0000
நடிகர் கமல், இளம் இயக்குனர் லோகேஷ் கனகராஜ் இயக்கத்தில் நடித்து வெளிவந்து இருக்கும் திரைப்படம் ‘விக்ரம்’. படத்தில் கமலுடன், நடிகர்கள் சூர்யா, விஜய் சேதுபதி, பகத் பாசில், நரேன், காளிதாஸ் ஜெயராம், அர்ஜூன் தாஸ் ஆகியோர் உடன் இணைந்து நடித்துள்ளனர். இந்த திரைப்படத்துக்கு அனிரூத் ரவிசந்திரன் இசையமைத்துள்ளார். ஏற்கனவே 1986ஆம் ஆண்டு ‘விக்ரம்’ என்ற பெயரில் திரைப்படம் ஒன்றில் நடித்து அசத்திய கமல் இப்போது, மீண்டும் அதே டைட்டிலில் மீண்டும் நடித்துள்ளார். மிக நீண்ட இடைவெளிக்கு பிறகு நடித்து வெளியாகும் படம் என்பதால், டிக்கெட்டுகளை ரசிகர்கள் ரிசர்வ் செய்து இருந்தனர். இந்த டிக்கெட் ரிசர்வேஷனுக்கு ரசிகர் காட்டிய ஆர்வம் நடிகர் கமலே எதிர்பார்த்திராதது என்று சொல்லப்பட்டது. படத்தின் புரோமோஜனுக்காக, ஆடியோ லாஞ்ச், ரயில் முழுவதும் ஸ்டிக்கர் எனத்தொடங்கி வாட்டர் பாட்டில் வரை வேலை பார்த்திருந்தனர். இந்த நிலையில் படம் கடந்த 3ஆம் வெளியாகி முதல் ஷோ முதலே ரசிகர்களிடையே பாசிட்டிவ் கமாண்டுடன் கல்லாவும் கட்டத்தொடங்கியது கமலின் விக்ரம். படம் வெளியாகி 3 நாட்களிலே இந்திய அளவில் ரூ.100 கோடியும், உலகளவில் ரூ.50 கோடியும் என மொத்தமாக 3நாட்களில் மட்டும் ரூ.150 கோடி வசூலை அள்ளியுள்ளது இந்த படம். 2018ஆம் ஆண்டு விஸ்ரூபம் படத்தின் 2ஆம் பாகத்துக்கு பிறகு நடிகர் கமல் சுமார் 4 ஆண்டுகளுக்கு பிறகு நடித்து வெளியான திரைப்படம் என்பதால் திரையரங்குகளில் அவரின் ரசிகர்கள் படத்தை கொண்டாடி வருகின்றனர். 68 வயதாகும் கமல் இந்த திரைப்படத்தில் நடிப்பு, நடனம் மற்றும் சண்டை காட்சிகளில் நடித்ததின் மூலம் வயது என்பது எண் மட்டுமே என்று மீண்டும் ஒரு முறை இந்த உலகுக்கு எடுத்துக்கூறியுள்ளார்.
