day,
00
month
0000
பிறப்பின் ஒரு துளி
முனை எயில் ஆரம்
முக்குவிழ் கவிந்து
நிதம் சேரும் ஒளி
மஞ்சளின் புலனாய்
உண்டும் உயிர்த்தும்
தொகுத்தாளும்
திரைகாணா தளிரென
சொக்கும் புவியில்
சொர்ணச் சித்திரமாய்
மையம் புனைந்து
தவழும் வெப்பமும்
அனல் மாறித் தணியும்
ஈர்க்கும் வேதியாகமம்
விண்மீன் என
பெயரிட்டு துணைசேர
நால்திசையும் கடைந்து
ஓங்கும் வானுயர
கல் மண் புல் பூ கனி
என்று குறைமாறா
உருவத்து குணமதில்
செறிந்து தகைய
//////////
நேசத்தின் சிறுகொடி
நேசத்தின் ஆழத்தில்
மூழ்கித் திளைத்து
இனியும் மிச்சமிருக்கும்
நினைவுகளில் பூ மலர்ந்து
உள் வளைந்து தண்டின்
சுகமாய் பூரித்து காய்த்து
காம்பில் ஊறும் தேனின்
இன்சுவை பெருகித் தழைத்து
நுண் அணுக்களில் சேகரித்து
இமை தாழும் போழ்தினில்
வெதும்பும் காயத்தின்
கணப்பில் கிடந்து உருகும்
தண்ணென்ற கனியின்
உவர்ப்பினிதாய் மொய்த்து
புகலுறும் வண்டின் படபடப்பில்
மெய்யென்றும் மூச்சென்றும்
ஏதுமிலா பருவத்து நாணலாய்
இடறும் சிறுகொடி
