day,
00
month
0000
வெகுநாட்களாக ஒரு காதலனைத்
தேடிக்கொண்டு இருக்கிறேன்
மானே தேனே வேண்டாம்
மயக்குறு வார்த்தைகள் வேண்டாம்
தலைகோதும் நேசம் வேண்டாம்
தோள்சாய்க்கும் ஆறுதல் வேண்டாம்
தாயாக வேண்டாம்
தந்தையாகவும் இருக்க வேண்டாம்
அண்ணனைப் போலவும் வேண்டாம்
நான் சிரிக்கும்போது
என்னைவிட சத்தமாக சிரிக்க வேண்டும்
நான் அழும்போது
நிதானமாக இருந்தாலே போதும்
ஹார்மோன் சமமின்மையால்
வெடித்தழும்போது பொறுமையாக இருந்தால் போதும்
கோவத்தில் வெடிகுண்டாக
வார்த்தைகளை வீசும்போது
குறைந்தபட்சம் இடம்நீங்கி
இயல்பாகத் திரும்ப வேண்டும்
இப்படியொருவன் இறந்துவிட்டான் என்றோ
பிறக்கவேயில்லை என்றோ
சொல்லிவிடாதீர்கள்
