15ஆவது ஐபிஎல் டி20 கிரிக்கெட் தொடரின் 46ஆவது லீக் ஆட்டத்தில் ஐதராபாத்தின் சன்ரைசர்ஸ் அணியை, சென்னை சூப்பர் கிங்ஸ் அணி எதிர்க்கொண்டது. மும்பை கிரிக்கெட் சங்க மைதானத்தில் நடைபெற்ற இந்தஆட்டத்தில் சன்ரைசர்ஸ் அணி டாஸ் வென்று பந்து வீச்சை தேர்வு செய்து ஆட்டத்தை தொடங்கியது. 20 ஓவர் முடிவில் சென்னை சூப்பர் கிங்ஸ் அணி 2 விக்கெட் இழப்புக்கு 202 ரன்கள் எடுத்தது. 203 ரன்கள் எடுத்தால் வெற்றி என்ற இலக்கை ஐதராபாத்துக்கு சென்னை அணி நிர்ணயம் செய்தது. இதனையடுத்து களம் இறங்கிய ஐதராபாத் அணி 20 ஓவர் முடிவில் 6 விக்கெட் இழப்புக்கு 189 ரன்கள் மட்டுமே எடுத்ததால் சென்னை சூப்பர் கிங்ஸ் அணி வெற்றி பெற்றது. இந்ததொடரில் சென்னை சூப்பர் கிங்சின் 3ஆவது வெற்றியாகும். மேலும், புள்ளி பட்டியலில் கடைசிக்கு முந்தைய இடத்தில் உள்ள சென்னை அணி இந்ததொடரில் இதுவரை 9 ஆட்டங்களில் போட்டியிட்டு 3 போட்டிகளில் வெற்றியும் 6 போட்டிகளில் தோல்வியையும் தழுவி உள்ளது. இந்தபோட்டியில் சென்னை அணியின் ருதுராஜ் கெய்க்வாட் 99 ரன்கள் அடித்து அசத்தினார்.